Promesi 7,5 il həbs cəzası gözləyir

Moskva “Spartak”ının sabiq hücumçusu Kvinsi Promes Niderlanda ekstradisiya olunub. 

TodayPress TV xəbər verir ki, bu barədə “De Telegraaf” nəşri məlumat yayıb.

33 yaşlı futbolçu əmisioğluna bıçaqla xəsarət yetirmək və narkotik qaçaqmalçılığında iştirak etmək ittihamları ilə ümumilikdə 7 il yarım müddətinə azadlıqdan məhrum edilib. 

Əgər Promesin apellyasiya şikayəti təmin olunmazsa, o, şərti olaraq ən tez 2030-cu ildə azadlığa çıxa bilər.

Kvinsi Promes Birləşmiş Ərəb Əmirliklərinin Dubay şəhərindən Niderlanda xüsusi çarter reysi ilə göndərilib.

Qeyd edək ki, niderlandlı futbolçu “Spartak”da 2014–2018 və 2021–2024-cü illərdə çıxış edib. Son olaraq o, Birləşmiş Ərəb Əmirliklərinin (BƏƏ) “Dubay Yunayted” klubunun formasını geyinib.

Namiq HUN