MDB Oyunları: Taekvondoçularımız günü 3 qızıl medalla başa vurdular

Azərbaycan taekvondoçuları III MDB Oyunlarının ilk günündə 3 qızıl, 2 gümüş və 6 bürünc medal qazanıblar.

TodayPress TV xəbər verir ki, milli üzvülərindən Ziya Həsənli (63 kq), Humay Dadaşova (46 kq) və Məryəm Məmmədova (53 kq) final mərhələsində qalib gələrək Oyunların qızıl medalını qazanıblar.

Elcan Əliyevlə (74 kq) Ümid Rəhimzadə (54 kq) turnirin gümüş medalı ilə kifayətləniblər.

Altı taekvondoçumuz isə multi-idman oyunlarının bürünc medalına sahib çıxıb. Kişilərin turnirində Tamerlan Yaqubov (54 kq), Allahverdi Məmmədov və Zeynal Əliyev (hər ikisi 87 kq), qadınlarda isə Səlimə Quliyeva (46 kq), Nilufər Borci (53 kq) və Nərgiz Kazımova (62 kq) fəxri kürsünün üçüncü pilləsinə qalxıb.

Qeyd edək ki, ilk olaraq III MDB Oyunalrının qızıl medalını komandamıza samboçu Abdullətif Musayev (53 kq) qazandırıb. 

Namiq HUN

TodayPress TV