Heydərov dünya reytinqində üçüncüdür

Olimpiya çempionu Hidayət Heydərov (73 kq) bütün çəki dərəcələri üzrə cüdoçular arasında topladığı reytinq xallarına görə üçüncü yerə enib.   

TodayPress TV Beynəlxalq Cüdo Federasiyasına (IJF) istinadən xəbər verir ki, Paris Olimpiadasından sonra tatamiyə çıxmayan cüdoçu hazırda 5400 xalla üçüncüdür.   

Baxmayaraq ki, ayın əvvəlində bu göstərici 6544 xal idi, lakin zaman keçdikcə əvvəlki nəticələrin reytinq “dəyəri” aşağı düşüb. 

Bununla belə, Heydərov kişilər arasında ən yüksək nəticəyə sahibdir. O, yalnız Fransanı təmsil edən qadın cüdoçular — Amandin Buşar (5700 xal) və Romane Dikodan (5650 xal) geri qalır. 

Olimpiya çempionu Zelim Kotsoyev (100 kq) isə topladığı 4920 xalla doqquzuncu pillədə qərarlaşıb.   

Namiq HUN