Uitkoff: "Əldə olunan irəliləyiş atəşkəsdən daha geniş sülh sazişinə yol açır"

Dünya

18.08.2025 07:00

ABŞ-nin xüsusi elçisi Stiven Uitkoff bildirib ki, Rusiya Prezidenti Vladimir Putinlə keçirilən sammitdə əldə olunan əhəmiyyətli irəliləyiş ABŞ Prezidenti Donald Trampı dərhal atəşkəs təşəbbüsündən imtina etməyə vadar edib. Bunun əvəzinə Tramp daha geniş sülh sazişinin irəlilədilməsinə diqqət yetirmək qərarına gəlib.

TodayPress TV "CNN"ə istinadən xəbər verir ki, Uitkoff görüşdə sülh sazişi üçün lazım olan bütün digər komponentlərdə böyük tərəqqiyə nail olunduğunu vurğulayıb:

“Biz diqqətimizi məhz buna yönəltdik”.

Onun sözlərinə görə, indi daha genişmiqyaslı bir sazişin imzalanması tendensiyası formalaşıb və bu, təcili atəşkəsə olan ehtiyacı aradan qaldıra bilər.

“Biz döyüşləri çox tez bitirəcək sülh sazişi imzalamağa çalışacağıq. Atəşkəsdən də sürətli. Çünki artıq müzakirə olunmalı olan məsələlərin əksəriyyətini nəzərdən keçirdik”, – deyə o əlavə edib.

Qiymət Mahir

tag: ABŞ,Stiven Uitkoff,Rusiya ,Vladimir Putin,Todaypress.tv,