Tokio birjası ticarət danışıqları fonunda yüksəldi

Tokio fond birjası çərşənbə axşamı artımla bağlanıb. ABŞ və Çin arasında ticarət danışıqlarının ikinci gününə keçməsi bazarda gərginliyin azalacağına ümid yaradıb.

TodayPress TV xəbər verir ki, bu barədə "Xinhua" məlumat yayıb.

Yaponiya üzrə əsas indeks olan "Nikkei" 225 122,94 bənd (0,32%) artaraq 38.211,51 bəndə çatıb. Daha geniş indeks olan "Topix" isə cüzi — 0,83 bənd (0,03%) artımla 2.786,24 səviyyəsində günü tamamlayıb.

Analitiklərin sözlərinə görə, bazarda əhval-ruhiyyə Londonda keçirilən ABŞ-Çin yüksək səviyyəli ticarət danışıqlarının ilk günündən sonra amerikalı rəsmilərin müsbət açıqlamaları ilə dəstəklənib.

Bununla belə, investorlar ehtiyatla hərəkət edir və danışıqların nəticəsində konkret razılaşmaların əldə olunub-olunmayacağını gözləyirlər.

Qiymət Mahir