Təyyarə parkda avtomobillə toqquşdu

ABŞ-nin Florida ştatında yerləşən Palm Beach bölgəsində qeyri-adi aviasiya qəzası baş verib. Orlican M8 Eagle markalı yüngülmühərrikli təyyarə küçədə park edilmiş avtomobillə toqquşub.

TodayPress TV xəbər verir ki, bu barədə “Daily Mail” məlumat yayıb.

İnsident Lantana hava limanından qalxış zamanı, təyyarənin təxminən 30 metr yüksəklikdə uçarkən qəfil enməyə başlaması ilə yaşanıb. Təyyarə küçədə dayanmış avtomobili vurduqdan sonra nəzarətdən çıxaraq yaxınlıqdakı parka düşüb.

Qəza zamanı ümumilikdə 7 nəfər müxtəlif dərəcəli xəsarətlər alıb.

Hadisə nəticəsində təyyarənin ön hissəsinin tamamilə yararsız hala düşüb, avtomobil isə yüngül zədələnib.

Baş verən qəzanın dəqiq səbəbləri ilə bağlı araşdırmalar aparılır.

Nicat Osman