Rusiya səfiri Trampla görüşdü: Moskva-Vaşinqton münasibətləri bərpa edilir

Rusiya Federasiyasının Vaşinqtondakı səfiri Aleksandr Darçiyev ABŞ prezidenti Donald Trampla qısa, lakin konstruktiv bir görüş keçirdiyini bildirib.

TodayPress TV xəbər verir ki, bu barədə "RİA Novosti" məlumat yayıb.

Diplomatın sözlərinə görə, tərəflər ABŞ və Rusiya arasında münasibətlərin bərpasının vacibliyi barədə razılığa gəliblər:

"Biz razılaşdıq ki, prezidentlər Vladimir Putin və Donald Trampın telefon danışığı zamanı verdikləri tapşırığa uyğun olaraq münasibətləri bərpa etmək lazımdır", - deyə Darçiyev qeyd edib.

Qeyd edək ki, səfir, daha əvvəl bəyan etmişdi ki, Rusiya və ABŞ arasında ünsiyyət tək tərəfli monoloqdan daha praqmatik, baxmayaraq ki, asan olmayan dialoqa keçib.

O həmçinin vurğulayıb ki, ABŞ-ın sabiq prezidenti Cozef Baydenin administrasiyası dövründə Moskva ilə Vaşinqton arasında real dialoq ya mövcud olmayıb, ya da birtərəfli şəkildə aparılıb.

Hazırda Rusiya və ABŞ prezidentlərinin – Vladimir Putin və Donald Trampın – görüşünə dair konkret razılaşmaların olmadığı da diplomat tərəfindən təsdiqlənib.

Töhfə Səməd