Pakistan Əfqanıstanda səfirlik açır

"Pakistan nümayəndə heyətinin 2025-ci il 19 aprel tarixində Kabildə keçirdiyi məhsuldar səfərdən sonra Pakistan-Əfqanıstan münasibətləri müsbət məcrada inkişaf edir".

TodayPress TV xəbər verir ki, bu barədə Pakistanın Baş nazirin müavini, xarici işlər naziri Məhəmməd İşaq Dar "X" hesabında yazıb.

"Bu dinamikanı qorumaq məqsədilə Pakistan hökuməti Kabildəki diplomatik nümayəndəliyinin rəhbərinin statusunu müvəqqəti işlər vəkilindən səfir səviyyəsinə qaldırmaq qərarını verib. Atılan bu addım iki qardaş ölkə arasında iqtisadiyyat, təhlükəsizlik, terrorla mübarizə və ticarət sahələrində əməkdaşlığın dərinləşdirilməsinə, qarşılıqlı əlaqələrin genişlənməsinə və yeni mübadilələrin təşviqinə xidmət edəcək".

Töhfə Səməd