CNN: Trampın sanksiyaları ABŞ iqtisadiyyatına da zərbə vura bilər

ABŞ-nin Rusiya neftini alan ölkələrə qarşı tətbiq edə biləcəyi 100%-lik tariflər əslində Amerikanın öz iqtisadiyyatına ciddi ziyan vura bilər.

TodayPress TV xəbər verir ki, bu barədə "CNN" ekspertlərin qiymətləndirməsinə istinadla məlumat yayıb.

Prezident Donald Tramp Ukrayna ilə bağlı sülh prosesində irəliləyiş əldə olunmasa, Rusiya nefti alan ölkələrə – əsasən Çin və Hindistana – qarşı ikinci dərəcəli sanksiyalar tətbiq edəcəyini bəyan edib. Hazırda Trampın xüsusi nümayəndəsi Stiven Uitkoff Moskvadadır və danışıqlar aparır.

"CNN"in təhlilində vurğulanır ki, əgər Tramp bu planı həyata keçirsə, ABŞ-də istehlak qiymətləri yüksələcək, şirkətlərin gəlirləri azalacaq və neftin dünya qiyməti arta bilər.

Qiymət Mahir