Nevadada kütləvi insan qalıqları aşkarlandı

Dünya

29.08.2025 19:30

ABŞ-nin Nevada ştatında, Las-Veqas yaxınlığında çoxlu sayda insan qalıqları tapılıb.

TodayPress TV xəbər verir ki, bu barədə “WFLA-TV” məlumat yayıb.

Təxminən 70 yığın şəklində insan külü Serçlayt qəsəbəsi yaxınlığında aşkarlanıb. Nevada Torpaq İdarəetmə Bürosu bunun kremasiya olunmuş insan qalıqları olduğunu təsdiqləyib. Faktla bağlı araşdırma başladılıb.

Məlumatda qeyd olunur ki, adətən “kül” kimi təqdim edilən bu qalıqlar, insanın kremasiyasından sonra qalan üyüdülmüş sümüklərdir. Nevadada qanunla ictimai ərazilərdə külün səpilməsi qadağan olunmasa da, bunu yalnız şəxsi qaydada etmək mümkündür. Kommersiya məqsədilə belə yayım isə qanunsuz hesab olunur.

Qiymət Mahir

tag: ABŞA,Nevada,Las-Veqas,İnsan,Todaypress.tv,