Merts: "Putin Zelenski ilə görüşdən yayınmağa çalışır"

Almaniya kansleri Fridrix Merts Rusiya Prezidenti Vladimir Putinin Ukrayna lideri Volodimir Zelenski ilə sammit keçirməyə cəsarət edəcəyinə şübhə etdiyini bildirib. 

TodayPress TV xəbər verir ki, bu barədə "Sky News" məlumat yayıb.

Ağ Evdə keçirilən danışıqlardan sonra brifinq zamanı Merts vurğulayıb ki, qarşıdakı həftələr Ukrayna üçün həlledici olacaq. Onun sözlərinə görə, Putin və Zelenski arasında görüşün iki həftə ərzində baş tutması planlaşdırılır. Belə bir təklifin ABŞ prezidenti Donald Tramp tərəfindən də irəli sürüldüyünü xatırladıb.

Eyni zamanda Merts Putinin belə bir ikitərəfli sammitə qatılmaq üçün yetərli qətiyyətə sahib olmadığına inanır. Onun fikrincə, Rusiya lideri bu cür birbaşa görüşdən yayınmağa çalışa bilər.

Türkan İsgəndərli