KİV: ABŞ "Patriot" raket ehtiyatlarının 75%-ni istifadə edib

ABŞ-də “Patriot” hava hücumundan müdafiə raketlərinin ehtiyatı təhlükəli dərəcədə azalıb.

TodayPress TV xəbər verir ki, bu barədə “The Guardian” məlumat yayıb.

Bildirilib ki, bu ehtiyatlar hazırda Pentaqonun planlarını yerinə yetirmək üçün lazım olan səviyyənin cəmi 25%-nə bərabərdir.

Buna səbəb kimi Ukraynaya davamlı hərbi yardım, İranın İsrailə və Qətərdəki ABŞ bazasına hücumlarının qarşısının alınması və bölgədə gərginliyin artması göstərilir.

Qəzetin məlumatına görə, ABŞ-nin silah ehtiyatlarını izləyən sistem “Patriot” raketlərinin səviyyəsinin 2022-ci ildən bəri ən aşağı həddə düşdüyünü göstərib. Bu vəziyyət ABŞ ordusunun gələcək əməliyyatlarını çətinləşdirə bilər.

Türkan İsgəndərli