İstanbulda Ukrayna üzrə üçtərəfli görüşlər keçiriləcək

İstanbulda Ukrayna üzrə bir sıra mühüm üçtərəfli görüşlər keçiriləcək. 

TodayPress TV xəbər verir ki, bu barədə "TASS" Türkiyə Xarici İşlər Nazirliyindəki mənbələrə istinadən məlumat yayıb.

Bildirilir ki, danışıqlar Dolmabağçada baş tutacaq.

Saat 11:45-də Türkiyə, ABŞ və Ukrayna nümayəndələrinin, saat 13:30-da isə Türkiyə, Rusiya və Ukrayna nümayəndələrinin iştirakı ilə görüşlər planlaşdırılıb.

Bu danışıqlar Rusiya və Ukrayna arasında 2022-ci ilin yazından sonra ilk birbaşa təmas olacaq.

Rusiya nümayəndə heyətinə Rusiya prezidentinin köməkçisi Vladimir Medinski rəhbərlik edir.

O bildirib ki, bu danışıqların məqsədi uzunmüddətli sülhün əldə olunması və münaqişənin əsas səbəblərinin aradan qaldırılmasıdır.

Türkan İsgəndərli