Filippində ordu ilə üsyançılar arasında toqquşma: 2 nəfər öldürüldü

Filippin ordusunun məlumatına görə, mərkəzi bölgədə yerləşən Şimalı Samar əyalətində hökumət qüvvələri ilə Yeni Xalq Ordusunun (NPA) şübhəli üzvləri arasında silahlı toqquşma baş verib. Hadisə nəticəsində iki üsyançı öldürülüb.

TodayPress TV xəbər verir ki, Filippin Ordusunun 8-ci Piyada Diviziyasının açıqlamasına görə, çərşənbə günü Mapanas qəsəbəsində baş verən döyüş zamanı hökumət qüvvələri üsyançı qrupunu mühasirəyə alaraq onların geri çəkilməsinə səbəb olub.

Toqquşmada ordunun şəxsi heyəti arasında itki qeydə alınmayıb.

Qeyd edək ki, NPA üsyançıları hökumət qüvvələrinə qarşı 1969-cu ildən bəri silahlı mübarizə aparır. Rəsmi məlumatlara əsasən, 1980-ci illərdə təxminən 25 min silahlı üzvü olan qrupun gücü son illərdə xeyli azalsa da, üsyançılar kənd yerlərində kiçikmiqyaslı hücumlarını davam etdirirlər.

Qiymət Mahir