Avropa liderləri Vaşinqtona toplaşır

Dünya

17.08.2025 16:00

Almaniya kansleri Fridrix Merts digər Avropa liderləri ilə birlikdə ABŞ Prezidenti Donald Tramp və Ukrayna lideri Volodimir Zelenski arasında keçiriləcək görüşdə iştirak etmək üçün avqustun 18-də Vaşinqtona səfər edəcək.

TodayPress TV “Yle”ə istinadən xəbər verir ki, bu barədə Almaniya hökumətinin rəsmi nümayəndəsi məlumat yayıb.

"Səfər Donald Trampın Rusiya Prezidenti Vladimir Putinlə Alyaskada görüşündən sonra məlumat mübadiləsi aparmaq məqsədi daşıyır".

Almaniya Nazirlər Kabinetinin nümayəndəsinin sözlərinə görə, Vaşinqtonda keçiriləcək danışıqlarda digər məsələlərlə yanaşı, təhlükəsizlik təminatları, ərazi məsələləri və Ukraynaya gələcək dəstək müzakirə olunacaq: “Bura sanksiyalar təzyiqinin saxlanması da daxildir”.

Töhfə Səməd

tag: Almaniya,Avropa,Tramp,Putin,Todaypress.tv,