Alyaskadakı görüşün yeri barədə təfərrüatlar açıqlandı

Keçmiş ABŞ Gizli Xidmət əməkdaşı Bobbi Makdonald ABŞ Prezidenti Donald Tramp və Rusiya Prezidenti Vladimir Putin arasında keçiriləcək görüşün mümkün məkanı barədə danışıb. 

TodayPress TV xəbər verir ki, bu barədə “Alaska News Source” məlumat yayıb.

Makdonalda görə, liderlər hərbi bazada görüş keçirməyi nəzərdən keçirə bilərlər. Belə məkanda təhlükəsizlik tam təmin olunacaq, görüş iştirakçıları kənar təsirlərdən uzaq qalaraq müzakirələr aparmaq imkanı əldə edəcəklər.

Daha əvvəl məlum olub ki, görüş günü ABŞ Alyaskanın Ankoric şəhəri üzərindəki hava məkanını bağlayacaq. 

Qeyd edək ki, Tramp və Putin avqustun 15-də Alyaskada görüşəcəklər. Gündəliyin əsas mövzusu Ukraynada sülh olacaq.

Qiymət Mahir