ABŞ Avstraliyadan müdafiə xərclərini artırmağı tələb edir

ABŞ müdafiə naziri Pit Heqset Avstraliyanın müdafiə xərclərini ümumi daxili məhsulun (ÜDM) 3,5%-nə çatdırmasını istəyib. 

TodayPress TV xəbər verir ki, o, bu çağırışı Sinqapurda keçirilən Şanqri-La Dialoq forumunda deyib.

Onun sözlərinə görə, Hind-Sakit okean bölgəsində təhlükəsizlik, ABŞ-nin Avstraliyadakı hərbi mövcudluğunu artırmaq və müdafiə sənayesində əməkdaşlıq əsas prioritetdir.

Bu təklif NATO-nun yeni Baş katibi Mark Ruttenin təşəbbüsü ilə üst-üstə düşür. O da hərbi xərclərin ÜDM-in 3,5%-nə çatdırılmasını və əlavə 1,5%-nin müharibə zamanı istifadə oluna biləcək infrastruktur üçün ayrılmasını təklif edib.

Bu məsələ iyunun sonunda Haaqada keçiriləcək NATO sammitində müzakirə olunacaq.

Türkan İsgəndərli