Mayda Elm və Təhsil Nazirliyinə daxil olan vətəndaş müraciətlərinin sayı açıqlandı
Mayın 1-dən 14-dək Elm və Təhsil Nazirliyi, eləcə də qurumlarına 30 688 vətəndaş müraciəti daxil olub.
Bu barədə TodayPress TV-yə Elm və Təhsil Nazirliyindən məlumat verilib.
Bildirilib ki, müraciətlərin 19 459-u çağrı mərkəzləri, 4 781-i elektron, 814-ü isə yazılı formada yönləndirilib.
Həmçinin vətəndaş qəbulu zamanı 5 634 müraciət qeydə alınıb.
Müraciətlər xarici diplomların tanınması, texniki işlə təminolunma, təhsil tələbə krediti, birinci sinfə qəbul və digər məsələlərlə bağlı olub.
