Saçları hər gün yumağın hansı təsirləri var?

Bəzi insanlar saçlarını hər gün yumağa üstünlük verirlər. Mütəxəssislərin fikrincə, bu vərdiş yalnız müəyyən hallarda tövsiyə olunur.

TodayPress TV xəbər verir ki, saçların gündəlik yuyulması yalnız yağlı dəriyə və nazik saç quruluşuna malik şəxslər üçün uyğundur. 

Quru, qalın və buruq saçlara sahib olanlara isə saçlarını bir neçə gündən bir yumaq məsləhət görülür.

Bundan əlavə, fiziki aktivliklə məşğul olmaq və çirkli mühitdə yaşamaq kimi faktorlar saç yuma tezliyinin artırılmasını zəruri edə bilər. Eyni zamanda xəbərdarlıq edilir ki, saçlar çox nadir hallarda yuyularsa, bu, qaşınma, seboreik dermatit, kəpək və saç tökülməsi kimi problemlərə yol aça bilər.

Türkan İsgəndərli