Qobustan RMX tərəfindən göstərilən tibbi xidmətlər açıqlandı

Qobustan Rayon Mərkəzi Xəstəxanası (RMX) tərəfindən göstərilən tibbi xidmətlər açıqlanıb.

TodayPress TV xəbər verir ki, bu barədə Qobustan RMX-yə təşkil olunan mediatur çərçivəsində TƏBİB-dən məlumat verilib.

Qeyd olunub ki, 2023-cü il ərzində xəstəxanaya 77 410 pasiyent müraciət edib. 

“Bu dövrdə 230 ümumi cərrahi əməliyyat icra olunub, 5 doğum qeydə alınıb. Radioloji xidmətlərdən 24 530, laboratoriya xidmətlərindən isə 44 350 nəfər faydalanıb”.

Verilən məlumata əsasən, 2024-cü ildə göstərilən tibbi xidmətlərin həcmi artaraq, xəstə sayı 107 200 nəfərə çatıb. 

Ümumi əməliyyat sayı 936, doğum sayı isə 34 olub. Radioloji xidmətlər 36 820, laboratoriya xidmətləri isə 105 850 nəfərə təqdim olunub.

Töhfə Səməd