Millimiz “Marmara Cup” turnirinin qalibi oldu

Azərbaycan karateçiləri “Marmara Cup” beynəlxalq turnirində komanda hesabında birinci yeri tutublar.

TodayPress TV xəbər verir ki, Türkiyədə keçirilən yarışda ölkəmizi təmsil edən karateçilər uşaqlar, yeniyetmələr, gənclər və böyüklər arasında yüksək nəticələr göstərərək ümumi medal sıralamasında yarışın qalibi olublar. 

Milli üzvlərindən Fərid Savadov (60 kq), Nuran Rzazadə (67 kq), Rəşid Süleymanov (75 kq) və Asiman Qurbanlı (+84 kq) “Marmara Cup” turnirinin qızıl medallarını qazanıblar. 

Bundan başqa milli komandamızın aktivində beynəlxalq turnirin 4 gümüş və 5 bürünc medalı da var. 

Qeyd edək ki, beynəlxalq turnirdə 28 ölkədən 2000-ə yaxın karateçi qüvvəsini sınayıb. 

Namiq HUN