Tramp gələn həftə Afrika ölkələrinin liderləri ilə sammit keçirəcək
ABŞ Prezidenti Donald Trampın Ağ Evə qayıdışından sonra Afrika ölkələrinin liderləri ilə ilk sammiti 9–11 iyul tarixlərində Vaşinqtonda keçiriləcək.
TodayPress TV xəbər verir ki, bu barədə "Semafor" portalı mənbələrə istinadən məlumat yayıb.
Məlumata görə, sammitdə iştirak etmək üçün ABŞ paytaxtına Qabon, Qvineya-Bisau, Liberiya, Mavritaniya və Seneqal prezidentləri gələcək. Vaşinqton toplantıda Qərbi Afrika ölkələri ilə faydalı qazıntılar sahəsində əməkdaşlıq və regional təhlükəsizlik məsələlərini müzakirə etməyi planlaşdırır.
Qeyd edilir ki, payızda daha geniş miqyaslı ABŞ–Afrika sammiti nəzərdə tutulur.
Həmin tədbirin sentyabrda Nyu-Yorkda baş tutacağı gözlənilir.
