Tramp Budapeştdə Putinlə görüşəcək
ABŞ Prezidenti Donald Tramp, rusiyalı həmkarı Vladimir Putinlə Budapeştdə görüşəcəyini açıqlayıb.
TodayPress TV xəbər verir ki, bu barədə Tramp "Truth Social" sosial platformasında Putinlə telefon danışığından sonra məlumat paylaşıb.
"Rusiya ilə Ukrayna arasında baş verən qanlı münaqişəni sona çatdırmaq imkanlarını nəzərdən keçirmək məqsədilə Budapeştdə görüşəcəyik", – deyə Tramp bildirib.
Görüşdən əvvəl hər iki tərəfin müşavirlərinin öncədən təmas quracağı qeyd olunur. ABŞ nümayəndə heyətinə dövlət katibi Marko Rubio rəhbərlik edəcək. Lakin bu görüşün dəqiq yeri hələ müəyyənləşdirilməyib.
Tramp, eyni zamanda, Sabah Oval kabinetdə Ukrayna Prezidenti Vladimir Zelenski ilə görüşəcəyini vurğulayıb.
Aynur TAC
