Ötən il zərər çəkmiş şəxslərə 359 mühafizə orderi verilib

Daxili İşlər Nazirliyinə məişət zəmnində baş verən insidentlərə dair daxil olmuş müraciətlərin, o cümlədən  cinayət hadisələrinin sayı azalıb.

Bu barədə TodayPress TV-yə Ailə, Qadın və Uşaq Problemləri üzrə Dövlət Komitəsidən məlumat verilib. 

Bildirilib ki, bu isə ilk növbədə müdafiə mexanizmlərinin fəaliyyətinin koordinasiya edilməsi və  güclənməsindən xəbər verir.

Ötən il zərər çəkmiş şəxslərə 325-i qısamüddətli, 34-ü uzunmüddətli olmaqla ümumilikdə 359 mühafizə orderi icraatda olub. Onlardan 338-i qadınlara, 21-i kişilərə verilib. 

Qeyd edək ki, 2023-cü ildə qısamüddətli 180, həmçinin 16-sı uzunmüddətli olmaqla ümumilikdə 196 mühafizə orderi icraatda olub. Onlardan 187-si qadınlara, 9-u isə kişilərə verilib. 

Töhfə Səməd