Soyuqdəyməni yüngülləşdirən qidalar hansılardır?

Kardiff Universitetinin (Böyük Britaniya) alimləri müəyyən ediblər ki, nanə pastilləri rifahı, əhval-ruhiyyəni və diqqəti artırmaqla soyuqdəymə əlamətlərini yüngülləşdirə bilər. 

TodayPress TV xəbər verir ki, nəticələr "World Journal of Pharmacy and Pharmaceutical Sciences" (WJPPS) jurnalında dərc olunub.

On həftə davam edən tədqiqatda 81 tələbə iştirak edib. Onlar üç qrupa bölünüb: biri nanə pastilləri, digəri nanəsiz karamel pastilləri qəbul edib, üçüncü qrup isə pəhrizini dəyişməyib.

Araşdırma göstərib ki, soyuqdəymə zamanı reaksiya sürəti və diqqət zəifləyir. Lakin nanə qəbul edən iştirakçılarda bu göstəricilər normala daha yaxın olub. Onların sayıqlığı və konsentrasiyası daha yaxşı nəticə göstərib.

Bildirilir ki, bu halda hətta nanə konfeti kimi sadə bir vasitə belə, xəstə olanda özünüzü daha yaxşı hiss etməyə kömək edə bilər.

Türkan İsgəndərli

TodayPress TV