Çində ev işləri görən robot hazırlandı

Çinin məişət texnikası nəhəngi "Haier Group" yeni insanabənzər robotunu ictimaiyyətə təqdim edib. 

TodayPress TV xəbər verir ki, bu barədə "IT Home" nəşri məlumat yayıb.

Yeni robot məişət işlərini yerinə yetirmək üçün nəzərdə tutulub. Hazırda "HİVA Haiwa" adlı cihaz avtonom rejimdə işləməsə də, uzaqdan idarə olunur. Şirkətin məlumatına görə, bu idarəetmə üsulu süni intellektin öyrədilməsi və təkmilləşdirilməsi üçün istifadə olunur.

Robot döşəmələri silmək, paltaryuyan maşını işə salmaq, paltarları ütüləmək və qatlamaq kimi funksiyaları yerinə yetirə bilir.

Onun hündürlüyü 165 sm, çəkisi isə 70 kq-dır. O, ayaqlar əvəzinə təkərli platforma üzərində hərəkət edir. Dizaynında 44 dərəcə sərbəstlik nəzərdə tutulub ki, bu da ona müxtəlif səviyyələrdə yerləşən əşyalara çatmağa imkan verir. Robot 2 metrə qədər hündürlükdə yerləşən obyektlərlə işləyə bilir.

Türkan İsgəndərli