"ChatGPT"nin fəaliyyətində qlobal nasazlıq yarandı

Amerikanın “OpenAI” şirkəti tərəfindən yaradılmış "ChatGPT" süni intellekt çat-botunun fəaliyyətində bir sıra ölkələrdə problemlər müşahidə olunub.

TodayPress TV xəbər verir ki, bu barədə “Downdetector” portalı məlumat yayıb.

Portalın məlumatına görə, ən çox nasazlıq halları ABŞ-də qeydə alınıb – təkcə bu ölkədən 1,700-dən çox istifadəçi şikayət edib. Eyni zamanda, Böyük Britaniya, Almaniya, İtaliya və digər Avropa ölkələrindən də oxşar problemlər bildirilib.

Xatırladaq ki, "ChatGPT" xidməti 2022-ci ildə “OpenAI” tərəfindən təqdim olunub. Süni intellekt əsaslı çat-bot istifadəçilərlə dialoq formatında ünsiyyət qurmaq, sualları cavablandırmaq, səhvlərini etiraf etmək, yanlış fərziyyələri təkzib etmək və uyğun olmayan sorğuları rədd etmək qabiliyyətinə malikdir.

Töhfə Səməd