Xabi Alonso mövqeyini açıqladı
İdman
23.08.2025 17:30
Madrid “Real”ının baş məşqçisi Xabi Alonso komandanın hücumçusu Vinisius Juniorla bağlı suala cavab verib.
TodayPress TV xəbər verir ki, bu barədə AS məlumat yayıb.
“Mən onu yaxşı tanıyıram. Mövsüm hələ yeni başlayıb. Yaxşı il keçirmək istəyirik və bunun üçün hər şeyimiz var.
Vinisiusa güvənirəmmi? Daha əvvəl də demişdim ki, Klublararası Dünya Çempionatı xüsusi şəraitdə keçirilirdi, buna görə də statistikanı diqqətlə dəyərləndirmək lazımdır. Mənim üçün bütün futbolçular vacibdir və hər birinin əsas heyətdə oynamaq şansı var,” – deyə Alonso bildirib.
Qeyd edək ki, Vinisius Junior ötən mövsüm bütün turnirlərdə 58 oyuna çıxıb, 22 qol vurub və 19 məhsuldar ötürmə ilə yadda qalıb. Onun “Real”la müqaviləsi 2027-ci ilin yayına qədər qüvvədədir. Transfermarkt portalında braziliyalı hücumçunun bazar dəyəri 170 milyon avro qiymətləndirilir.
Namiq HUN
tag: Xabi Alonso,Real Madrid,Vinisius,Klub,Todaypress.tv,