Nepallı alpinist dünya rekordunu yenilədi

Nepallı alpinist Kami Rita Şerpa Everesti fəth edərək özünə məxsus dünya rekordunu yeniləyib.   

TodayPress TV “Kathmandu Post” qəzetinə istinadən xəbər verir ki, o, 31-ci dəfə planetin ən yüksək zirvəsinə qalxıb.   

Dünyanın ən yüksək dağlıq bölgələrindən biri olan Nepalın Solukxumbu bölgəsində yaşayan 55 yaşlı alpinist ilk dəfə 1994-cü ildə Everesti fəth edib. 

Qeyd edək ki, Everesti bu günə qədər 8 mindən çox alpinist fəth edib.   

Namiq HUN