Kütləvi iğtişaşlarda üç nəfər həyatını itirdi

Cənubi Amerikada CONMEBOL Sudamericana kubokunda 1/8 final mərhələsinin “İndependyente” - “Universidad de Çili” futbol klubları arasında keçirilən  cavab oyunu (1:1) tribunalarda baş verən kütləvi iğtişaşlar səbəbindən dayandırılıb.

TodayPress TV xəbər verir ki, fasilə zamanı stadiondakı vəziyyət qəfil gərginləşib. “İndependyente”nin 100 azarkeşi qonaq komandanın sektoruna hücum edib. 

Nəticədə tribunalarda genişmiqyaslı dava baş verib və bu, stadionun müxtəlif hissələrində “Universidad” azarkeşlərinə qarşı təqibə çevrilib.

Argentina polisinin müdaxiləsi ciddi nəticə verməyib. İğtişaşlar nəticəsində 3 nəfər ölüb, təxminən 10 azarkeş isə xəstəxanaya yerləşdirilib.

Oyundan sonra polis “Universidad de Çili”nin 300-dən çox azarkeşini saxlayıb.

Qeyd edək ki, matç dayandırılan anda iki oyunun nəticəsinə görə “Universidad de Çili” “İndependyente”yə qarşı dueldə 2:1 hesabı ilə öndə olub.

Namiq HUN