III MDB Oyunlarında Azərbaycanın idmançı sayı açıqlandı
İdman
29.08.2025 16:51
III MDB Oyunlarında Azərbaycanı 23 idman növündə 340 idmançı təmsil edəcək.
TodayPress TV xəbər verir ki, nümayəndə heyətinin sayı 475 nəfər olacaq.
Cüdo və qılıncoynatma növlərində ölkəmizi 32 idmançı təmsil edəcək. Taekvondo və voleybol növlərində isə 28 idmançı qüvvəsini sınayacaq.
Milli üzvləri komanda idman növlərindən futbol, çövkən, voleybol və 3x3 basketbolda da çıxış edəcəklər. Bədii gimnastikada Azərbaycan qrup hərəkətləri komandası ilə təmsil olunacaq.
Azərbaycan ev sahibi ölkə olaraq, idmanın cüdo, taekvondo, qılıncoynatma, badminton və karate növlərində iki heyətlə iştirak edəcək.
Qeyd edək ki, III MDB Oyunları sentyabrın 28-dən oktyabrın 8-dək Azərbaycanın Gəncə, Qəbələ, Mingəçevir, Göygöl, Xankəndi, Yevlax və Şəki şəhərlərində keçiriləcək.
Namiq HUN
tag: III,MDB,Oyunları,Ölkə,Todaypress.tv,