“Bayer” Erik ten Haqla anlaşdı

“Bayer Leverkuzen” klubu Erik ten Haqın komandanın yeni baş məşqçisi təyin olunduğunu rəsmən elan edib.   

TodayPress TV xəbər verir ki, niderlandlı mütəxəssislə imzalanan müqavilə 2027-ci ilə qədər qüvvədə olacaq. 

Ten Haqın son iş yeri “Mançester Yunayted” klubu olub. O, “qırmızı şeytanlar”ı 2022-ci ilin yayından 2024-cü ilin oktyabrına qədər çalışdırıb.   

Bu müddət ərzində klub İngiltərə Kuboku və İngiltərə Liqa Kubokunun qalibi olub. 

Erik ten Haqın rəhbərliyi altında "Mançester Yunayted" ümumilikdə 128 oyuna çıxıb. 

Namiq HUN