"Barselona" Niko Uilyamsın transferindən imtina etdi

“Barselona” klubu “Atletik” (Bilbao) və İspaniya millisinin cinah hücumçusu Niko Uilyamsın transferindən birdəfəlik imtina edib. 

TodayPress TV “Mundo Deportivo” nəşrinə istinadən xəbər verir ki, Kataloniya təmsilçisinin prezidenti Joan Laporta futbolçunun ötən yay “Barselona”ya keçmək istəməməsini əsas gətirərək, onunla bağlı planlardan vaz keçib. 

Bildirilir ki, o zaman Uilyams “Barselona”nın maliyyə çətinliklərinə görə onu qeydiyyatdan keçirə bilməyəcəyindən ehtiyat edib.

Məlumatda qeyd olunur ki, Laportaya “Liverpul”un kolumbiyalı hücumçusu Luis Diasın oyunu daha çox xoş gəlir. Buna görə də, klub rəhbərliyi yaxın gələcəkdə onun transferini reallaşdırmaq üçün səylərini artırmağa hazırdır.

Namiq HUN