Bakıda İSU-nun Qran-Pri yarışı keçirilir

Heydər Əliyev adına İdman-Konsert Kompleksində “Beynəlxalq Konkisürmə Birliyinin (ISU) yeniyetmələr arasında fiqurlu konkisürmə üzrə Qran-Pri” yarışı davam edir. 

TodayPress TV xəbər verir ki, Azərbaycanda ilk dəfə təşkil olunan Qran-Pri yarışında 38 ölkədən 92 idmançı iştirak edir. 

Qran-prinin ilk günündə kişilər və qadınlar qısa proqram üzrə çıxış ediblər. 

Qadınların fiqurllu konkisürmə yarışında təmsilçimiz Arina Kaluqina 57.87 xalla 6-cı nəticə göstərib. 

Turnirin nəticəsinə əsasən israilli idmançı Sophia Shifrin 61.57 xalla 1-ci, çinli fiqurlu konkisürən Yihan Wong 60.96 xalla 2-ci, cənubi koreyalı idmançı Hyewon Joo isə 3-cü olub. 

Yarışın ikinci günündə kişilər buz üzərində sərbəst proqramla, cütlüklər isə qısa rəqs proqramı ilə çıxış edəcəklər.

Namiq HUN

TodayPress TV