“Bakı” “Qələbə kuboku”nda yarımfinala vəsiqə qazandı

Rusiyada boks üzrə “Qələbə kuboku”na start verilib.   

TodayPress TV xəbər verir ki, yarışa “Bakı” adı altında qatılan Azərbaycan millisi yarımfinal mərhələsinə yüksəlib.   

Permdə keçirilən “Qələbə kuboku”nun 1/4 final mərhələsində “Bakı”nın  rəqibi “Ural” komandası olub.

Boksçularımız görüşü 3:2 hesabı ilə qazanıblar.

4 raunddan ibarət qarşılaşmalarda komandamızın heyətində Zaur Qəhrəmanov Mark Urvanova, Səidcəmşid Cəfərov Xyşbaxt Kuldaşevə və Məhəmməd Abdullayev Aleksandr Dorofeyevə qalib gəlib.   

“Bakı” yarımfinal döyüşünə mayın 29-da çıxacaq. Görüş Saransk şəhərində baş tutacaq.   

Namiq HUN