“Atletiko” Lukmanı hədəfə aldı

“Atalanta” klubunun hücumçusu Ademola Lukman karyerasını La Liqada davam etdirə bilər. 

TodayPress TV xəbər verir ki, bu barədə “Corriere dello Sport” nəşri məlumat yayıb.

Madridin “Atletiko” klubu 27 yaşlı nigeriyalı forvardla ciddi maraqlanır və onun transferi uğrunda “Napoli” ilə rəqabət aparmaq niyyətindədir.

“Atalanta” oyunçunun qiymətində israrlıdır - klub Lukmanı 60 milyon avro dəyərləndirir və bu məbləği azaltmaq fikrində deyil.

Qeyd edək ki, Ademola Lukman son mövsüm A Seriyasında meydana çıxdığı 31 oyunda 15 qol vurub və 5 məhsuldar ötürmə edib. Hücumçunun Bergamo təmsilçisi ilə müqaviləsi 2027-ci ilin yayına qədər qüvvədədir. 

“Transfermarkt” portalında futbolçunun bazar dəyəri 60 milyon avro olaraq qiymətləndirilir.

Namiq HUN