"Volvo" minlərlə işçini ixtisar edəcək

Avtomobil istehsalçısı "Volvo" xərclərin azaldılması tədbirləri çərçivəsində 3 min iş yerini ixtisar edəcəyini açıqlayıb.

TodayPress TV xəbər verir ki, bu barədə "Reuters" məlumat yayıb.

İxtisar ediləcək vəzifələrin 1 200-ü İsveçdəki istehsalat müəssisələrində çalışan işçilərə aiddir. Bundan əlavə, təxminən min vəzifə də məsləhətçilik sahəsində ləğv ediləcək. Bu ixtisarların da əsas hissəsi İsveçdə həyata keçiriləcək.

Şirkətin Baş direktoru Hokan Samuelsson bildirib ki, "Volvo"nun xərcləri azaltmaq üçün strukturunu dəyişməsi və pul axınını yaxşılaşdırması vacibdir.

Qeyd edək ki, Çinli "Geely" şirkətinə məxsus olan "Volvo"nun hazırda 42 600 daimi işçisi var.

Töhfə Səməd