Vaşinqton nədən qorxur? Yeni süni intellekt modelləri Londondan gizlədildi
Ağ Ev "OpenAI" və "Anthropic" şirkətlərindən yeni neyron şəbəkə modellərini ABŞ-də yoxlama başa çatanadək Böyük Britaniyanın Süni İntellekt Təhlükəsizliyi İnstitutuna verməməyi tələb edib.
TodayPress TV xəbər verir ki, bu barədə "Politico" nəşri mənbəyə və administrasiyanın yüksəkvəzifəli rəsmisinə istinadən xəbər verir.
Sorğu Milli Kibertəhlükəsizlik Direktoru İdarəsindən daxil olub. Nəşrin həmsöhbətinin sözlərinə görə, Ağ Ev ABŞ-nin tərəfdaşlarla bölüşməzdən əvvəl ilk növbədə neyron şəbəkə modellərini yoxlamasını və Amerika sistemlərinin təhlükəsizliyinə əmin olmasını istəyir.
Məlumata görə, "Anthropic" artıq bu tələblə razılaşıb. Şirkət "Claude Mythos 5.1" modelinin yalnız bir sıra Amerika təşkilatları üçün əlçatan olduğunu bildirərək onu Böyük Britaniya institutuna təqdim etməyib. Şirkətin bloqunda qeyd olunur ki, o, daha geniş tərəfdaş dairəsi üçün əlçatanlığın artırılmasını ABŞ hökuməti ilə əlaqələndirir.
Aysel Mətləb
