Ukrayna və Britaniya arasında 100 illik tərəfdaşlıq sazişi təsdiqləndi

Ukrayna parlamenti Böyük Britaniya ilə yüzillik tərəfdaşlıq haqqında sazişi ratifikasiya edib.

TodayPress TV xəbər verir ki, Ukrayna Prezident Administrasiyasının rəhbəri Andrey Yermak bu qərarın Kiyev üçün xüsusi əhəmiyyət daşıdığını bildirib.

Sazişə əsasən, London hər il Ukraynaya ən azı 3,6 milyard funt-sterlinq həcmində hərbi yardım göstərəcək. Bu dəstək 2030/31-ci maliyyə ilinə qədər təmin ediləcək, zərurət olarsa, daha sonra da davam etdiriləcək.

Razılaşma həmçinin Ukrayna ordusunun hərbi hazırlığını, döyüş aviasiyasının tədarükünü, müdafiə sənayesində genişləndirilmiş əməkdaşlığı və “Joint Expeditionary Force” kimi beynəlxalq formatlarda birgə iştirak imkanlarını əhatə edir.

Qiymət Mahir

TodayPress TV