Rusiya İran və İsraili fasiləsiz atəşkəsə çağırır

Rusiya İran və İsrail arasında atəşkəsin davamlı və fasiləsiz şəkildə qorunmasına çağırıb.

TodayPress TV xəbər verir ki, bu barədə Rusiyanın xarici işlər naziri Sergey Lavrov bildirib.

Nazir həmçinin vurğulayıb ki, Rusiya, BMT-nin Nüvə Silahlarının Yayılmaması haqqında Müqaviləsi (NPT) və AEBA-nın (Beynəlxalq Atom Enerjisi Agentliyi) nəzarəti altındakı obyektlərlə bağlı verdiyi təminatlara baxmayaraq, yaranan vəziyyətin siyasi həll yoluna yönəldilməsini dəstəkləyir.

Lavrov bildirib ki, bu cür gərgin vəziyyətlər nüvə texnologiyalarının dinc məqsədlərlə istifadəsini əhatə edən beynəlxalq razılaşmalara qarşı təhdid yaradır və bu kimi “biabırçı halların” təkrarlanmaması üçün beynəlxalq hüquq normalarına riayət vacibdir.

Türkan İsgəndərli