Qriqoryan Şoyqu ilə Vaşinqton görüşünü müzakirə etdi
Dünya
21.08.2025 18:05
Ermənistan Təhlükəsizlik Şurasının katibi Armen Qriqoryan və Rusiya Təhlükəsizlik Şurasının katibi Sergey Şoyqu arasında telefon danışığı baş tutub.
TodayPress TV xəbər verir ki, bu barədə Ermənistan Təhlükəsizlik Şurasının mətbuat xidməti məlumat yayıb.
Bildirilir ki, Armen Qriqoryan Vaşinqtonda Ermənistan və Azərbaycan arasında əldə olunmuş razılaşmalar barədə Şoyquya məlumat verib. O, bölgədə sülhün bərqərar olmasının bütün region ölkələrinin maraqlarına cavab verdiyini vurğulayıb.
Qriqoryan həmçinin regional kommunikasiyaların açılması məsələsinə də toxunub və bununla bağlı yaranacaq iqtisadi imkanların əhəmiyyətinə diqqət çəkib. O bildirib ki, bu imkanlar bütün region ölkələrinin maraqlarına uyğundur.
Öz növbəsində, Sergey Şoyqu Rusiya və ABŞ prezidentlərinin Alyaskadakı görüşünün nəticələri barədə Qriqoryanı məlumatlandırıb.
Tərəflər, eyni zamanda, Ermənistan-Rusiya gündəliyinə dair digər məsələləri də müzakirə ediblər.
Töhfə Səməd
tag: Ermənistan ,Təhlükəsizlik Şurası,Armen Qriqoryan,Sergey Şoyqu,Todaypress.tv,