Polşa Rusiya və Belarusun hərbi təlimlərinə cavab hazırlayır

Polşanın müdafiə nazirinin müavini Sezari Tomçik bəyan edib ki, sentyabr ayında Rusiya və Belarus arasında planlaşdırılan “Zapad-2025” adlı birgə hərbi təlimlərə cavab olaraq, Polşa NATO ölkələri ilə birgə hərbi təlimlər təşkil edəcək. 

TodayPress TV xəbər verir ki, bu barədə "TVN24" məlumat yayıb.

Tomçikin sözlərinə görə, bu addım regionda artan hərbi fəallığa cavab olaraq atılır:

"Bu, Rusiya və Belarus qüvvələrinin istifadəsinin miqyasına mütənasib cavab olacaq. Biz güc və birlik nümayiş etdirməliyik" deyə o bildirib.

Tomçik həmçinin vurğulayıb ki, əvvəlki “Zapad” təlimləri Mərkəzi Hərbi Dairənin aktivləşdirilməsi ərəfəsində keçirilib və bu dəfə də Qərb səssiz qala bilməz.

Türkan İsgəndərli