Pezeşkian Omana getdi

İran prezidenti Məsud Pezeşkian Omana səfər edib. 

TodayPress TV xəbər verir ki, Maskat hava limanına çatan Pezeşkianı baş nazirin müdafiə məsələləri üzrə müavini Seyid Şihab bin Tariq bin Taymur Əl Səid və Omanın xarici işlər naziri Bədr bin Həməd Əl Busaidi qarşılayıb.

İran prezidenti ikitərəfli əlaqələrin gücləndirilməsini müzakirə etmək üçün Omanın yüksək rütbəli rəsmiləri ilə danışıqlar aparacaq. İran prezidentinin səfəri iki günlük olacaq və bu səfər Oman sultanı Heysəm bin Tariq Əl Səidin rəsmi dəvəti ilə baş tutur.

Rəsmi qəbul mərasimindən sonra İran prezidentinin Əl-Aləm sarayında Oman sultanı ilə şəxsi görüşü, daha sonra isə iki ölkənin yüksək səviyyəli nümayəndə heyətlərinin birgə iclasında iştirak etməsi planlaşdırılır.