Orban Ukrayna xüsusi xidmət orqanlarını Macarıstana təsir göstərməkdə ittiham etdi

Ukraynanın xüsusi xidmət orqanları ölkə siyasətinə təsir etmək üçün Brüsselin dəstəyi ilə müntəzəm olaraq Macarıstanda əməliyyatlar aparır. 

TodayPress TV xəbər verir ki, bu barədə Macarıstanın Baş naziri Viktor Orban “Hetek” portalına müsahibəsində bildirib.

"Ukraynanın xüsusi xidmət orqanları daim Macarıstanda fəaliyyət göstərir. Biz, yəni bizim kəşfiyyat xidmətlərimiz bunu müəyyən edir, bilirik və bundan özümüzü müdafiə edirik. Əslində, Macarıstanın daxili siyasətinə təsir təkcə Brüsseldən deyil, həm də Kiyevdən gəlir, çünki onlar birlikdə işləyirlər", - o bildirib.

Orbanın sözlərinə görə, Belçikanın hazırkı əsas məqsədi Macarıstanda Ukraynayönlü hökumət qurmaqdır. O əlavə edib ki, Kiyev Macarıstan müxalifətini dəstəkləyir. 

Baş nazir qeyd edib ki, milli yönümlü hökumət hakimiyyətdə olduğu müddətdə ölkənin suverenliyini pozmaq və ya Budapeştin mövqeyinə təsir göstərmək cəhdlərinin qarşısı alınacaq.

Söhbət zamanı Orban Macarıstanın Ukrayna ilə birlikdə olmaq istəməmək hüququna malik olduğunu vurğulayıb. Onun sözlərinə görə, hazırda təxminən 24 Avropa İttifaqına (Aİ) üzv ölkə Ukraynanı regional birliyə qəbul etmək arzusunu bildirib.

Orxan Saffari

TodayPress TV