Meksikada güclü zəlzələ baş verdi

Meksika sahillərində 5,9 maqnitudalı güclü zəlzələ qeydə alınıb. 

TodayPress TV xəbər verir ki, bu barədə Avropa-Aralıq dənizi Seysmoloji Mərkəzi (EMSC) məlumat yayıb.

Yeraltı təkanlar mayın 28-də UTC vaxtı ilə saat 01:30-da (Bakı vaxtı ilə 05:30) baş verib. Zəlzələnin episentri Puerto Vallarta şəhərindən 411 kilometr qərb-cənub-qərbdə yerləşib. Yeraltı təkanların ocağı dörd kilometr dərinlikdə olub.

Hazırda tələfat və dağıntılar barədə məlumat verilməyib.

Türkan İsgəndərli