Kreml Kelloqun Kiyevə səfərini şərh etdi

Rusiyanın ABŞ prezidentinin Ukrayna üzrə xüsusi nümayəndəsi Keyt Kelloqun Kiyevə səfərindən gözləntiləri yoxdur, lakin Moskva üçün siyasətçinin Vaşinqtonun münaqişənin sona çatması üçün orada vasitəçilik səylərini davam etdirməsi vacibdir.

TodayPress TV “TASS”a istinadən xəbər verir ki, bunu Rusiya prezidentinin mətbuat katibi Dmitri Peskov brifinqdə deyib.

“Cənab Kelloqun ABŞ prezidenti Donald Trampın komandasının nümayəndəsi kimi Rusiya-Ukrayna nizamlanması çərçivəsində vasitəçilik xidmətləri göstərmək səylərini davam etdirməsi bizim üçün çox vacibdir”, - Kreml nümayəndəsi bildirib.

Qeyd edək ki, iyulun 14-də Kelloq Ukraynaya işgüzar səfərə gəlib. Amerika rəsmisinin bütün həftəni Kiyevdə keçirəcəyi gözlənilir.

Nicat Osman