İsrail rekord məbləğdə silah ixrac etdi

İsrail 2024-cü ildə 14,79 milyard dollar dəyərində silah ixrac edərək rekord göstəriciyə imza atıb. 

TodayPress TV xəbər verir ki, bu barədə "Defence News" İsrail Müdafiə Nazirliyinə istinadən məlumat yayıb.

Nazirliyin məlumatına görə, bu rəqəm 2023-cü illə müqayisədə 13 faiz artım deməkdir. Əsas alıcılar isə Avropa ölkələri olub. Onların payı əvvəlki 35 faizdən 54 faizə yüksəlib. İxracın 48 faizini raketlər, raket sistemləri və hava hücumundan müdafiə vasitələri təşkil edib. 2023-cü ildə bu göstərici 36 faiz idi.

Bundan əlavə, İsrailin üç aparıcı müdafiə şirkəti 2024-cü ildə rekord sifarişlər aldığını bildirib.

Şirkətlərin sifariş portfeli müvafiq olaraq 25 milyard, 22,6 milyard və 17,7 milyard dollar təşkil edib.

Türkan İsgəndərli