İran İsraili məğlub etdiyini elan etdi

İran Təhlükəsizlik Şurası bəyan edib ki, İran Silahlı Qüvvələrinin güclü müdafiəsi və İsrailə verdiyi sarsıdıcı cavablar nəticəsində İsrail geri çəkilib və hücumlarını dayandırmağa məcbur qalıb.

TodayPress TV xəbər verir ki, bu barədə “Tasnim” agentliyi məlumat yayıb.

Bəyanatda vurğulanıb ki, İran ordusu hər cür atəşə cavab verməyə tam hazırdır və barmağını tətikdə saxlayır.

Xatırladaq ki, iyunun 24-ü ABŞ prezidenti Donald Tramp İran və İsrailin atəşkəsə razılaşdığını bildirib və bununla da “12 günlük müharibənin” bitdiyini deyib.

Lakin İranın xarici işlər naziri Abbas Əraqçi bu məlumatı təkzib edərək, hələ rəsmi atəşkəs razılaşmasının olmadığını, yekun qərarın sonradan veriləcəyini bildirib.

Türkan İsgəndərli