Federasiya Şurası BMT-də nüvə silahı danışıqlarına dair sənədlərin itirilməsinə cavab verdi

Rusiya Federasiya Şurasının Beynəlxalq Münasibətlər Komitəsinin sədri Qriqori Karasin BMT-dən sənədlərin itməsi ilə bağlı məsələnin həllinə ehtiyac olduğunu bildirib. 

TodayPress TV xəbər verir ki, senator vəziyyəti “Lenta.ru” jurnalistləri ilə söhbəti zamanı şərh edib.

O bu hadisəni “kifayət qədər qarışıq hekayə” adlandırıb.

"Əlbəttə, bunu açmaq lazımdır. Çünki biz beynəlxalq əməkdaşlığın çox vacib sahəsindən danışırıq", - deyə senator bildirib.

Karasinin sözlərinə görə, BMT strukturları daxilində böyük çaşqınlıq yaranıb. Bundan başqa, senator asayişi bərpa etmək üçün rutin səylərin yetərli olmadığını vurğulayıb.

O əlavə edib ki, bu proses ilk növbədə nüvə enerjisi sektoruna təsir göstərməlidir.

Qeyd edək ki, oktyabrın 4-də Beynəlxalq Atom Enerjisi Agentliyinin (MAQATE) təhlükəsizlik siyasəti üzrə keçmiş rəhbəri Tariq Rauf BMT Nüvə Silahının Yayılmaması Müqaviləsinə dair Sovet-ABŞ dialoqunu əhatə edən bəzi protokolların itdiyini bildirmişdi.

Orxan Saffari

TodayPress TV