Ermənistanda itirdiyimiz şeyləri Azərbaycanla əvəz edəcəyik
Ermənistandan kənd təsərrüfatı məhsullarının idxalına qoyulan məhdudiyyətlər fonunda itkilər Azərbaycan məhsulları ilə əvəz olunacaq.
TodayPress TV xəbər verir ki, bunu Rusiya Prezidentinin beynəlxalq təşkilatlarla əlaqələr və davamlı inkişaf üzrə xüsusi nümayəndəsi Boris Titov jurnalistlərə açıqlamasında bildirib.
“Ermənistanda itirdiyimiz şeyləri, əlbəttə ki, Azərbaycanla əvəz edəcəyik. Çünki kənd təsərrüfatı baxımından Azərbaycanın Ermənistandan daha çox şey edə biləcəyi və əslində daha çox təmin etdiyi tamamilə aydındır".
O qeyd edib ki, Azərbaycan Rusiya bazarına Ermənistandan xeyli çox kənd təsərrüfatı məhsulu təklif edə bilir və bu, daha böyük potensiala malikdir.
Qeyd edək ki, Rusiya Federal Baytarlıq və Fitosanitar Nəzarət Xidməti (Rosselxoznadzor) iyunun 2-3-dən etibarən Ermənistandan bir sıra kənd təsərrüfatı məhsullarının (tumlu bitkilər, badımcan, kartof, quru meyvələr və s.) idxalını məhdudlaşdırıb. Bu qərar fitosanitar yoxlamalardan sonra qəbul edilib.
Rusiya rəsmiləri bildiriblər ki, Ermənistan məhsullarının əvəzinə Azərbaycan, eləcə də daxili istehsal və digər ölkələrdən tədarük artırılacaq.
Jalə Rövşən
